硬盤挖礦 ( 四 ) – 爆裂幣 Burstcoin Plot 盤是什麼？| 九十後礦工

Brustcoin 挖礦其實是利用大家硬盤上面的閒置的容量去挖礦 ( 例如幾多GB同幾多TB )。咁用法係點呢？好簡單，大家只要知道以下三步曲。 第一步

大家要知道，大部分唔同的幣 ( 包括Brustcoin，比特幣 )，挖礦的時間，網絡係會有一個固定的密碼學算法，目的係不斷產生一個函數，比礦工去估。就好似一位老師，用一條密碼學計左一個答案 ( 函數 ) 出黎，然後手上面就拎住呢個答案，叫台下的所有學生 ( 學生就係礦工勒 ) 估下呢個答案係咩。 第二步

因為呢條密碼學算法好複雜，而且每次計出黎的答案都唔同 ( 因為每次佢都會改左條算式入面其中一個或幾個數值，令每次答案都唔同 )，所以台下既學生只得一個方法去估中個答案，就係 ─ 亂撞！ 第三步

當台下的學生一齊估，咁學生A好好彩 ( 即係礦工A )，真係比佢限時之內撞中左，咁佢就會得到挖礦的獎勵勒。( 提提大家，因為宜家的挖礦難度太高，基本上以一人之力挖礦，要得到到獎勵係好難，接近無可能。就因為咁，大家就會加入 礦池 Pool！即係礦工A,B,C,D,E… 咁多個人，成為一 Team 人，一齊去估個答案，一個人一把口，十個人十把口，點都大機會D啦，而且承諾，係呢 Team 人入面，無論邊個估中都好，都會以大家出過既力，去平均分返獎勵比咁多位。) 呢個係現時比較普遍的挖礦方式。咁講返Brustcoin 挖礦先！咁 Plot 盤係咩黎架？ Plot 盤既意思好簡單！”Plot” 即係 ”寫入”， “盤” 即係 “Harddisk”，意思就係預先將解題方法寫入係你自己的 Harddisk 上面，而呢D解題方法，有D會計得較快，有D會計得較慢，當然啦如果你有愈多的 Harddisk ( 即係容量愈多 )，手上的解題方法就自然愈多，愈大機會快過其他人解題。相反，如果無Plot盤，手上根本就無解題方法，咁點解題呢？ 舉個例子： 老師出左一條數學題目，答案係 100。 解題方法1：50*2 = 100 解題方法2：1+1+1+1+1+1+1+1+1+1+90 = 100 解題方法3：50/2*2*2 = 100 學生 A，只係識解題方法 2，而學生 B 就識晒解題方法 1-3，咁好明顯，學生 B 就可用 解題方法 1 去計，咁一定快過學生 A，咁學生 B 就可以拎到呢條題目的獎勵。 經過上面的例子，宜家大家應該明白，Plot 盤就係預先將 Brustcoin 挖礦的解題方法預先寫入Harddisk，當挖礦果時，大家就以自己所擁有最快解題的方法同其他礦工競爭，去搶挖礦獎勵，所以你 Plot 盤的容量愈大，就愈多解題方法比你去揀，咁比起其他人，你就愈易有一個最快的解題方法。所以話，做個礦工都唔係真係咁容易。